Lündeschdi, ils 26 da lügl ? spassegiada da cultura sülla senda da clostra a clostra
Inscunter: A las 10.00 a la staziun da Damal ? viadi cul bus a Müstair (e plü tard da Schleis inavo a la staziun da Damal)
Spassegiada: La partenza es sül Plaz Grond, sper la Clostra San Jon a Müstair e maina davo la frus-chaglia oura pro?l cunfin talian ed inavant davo la senda dal aual da sauaziun ("Tschenel Waal") e lura davo sendas fich strettas fin sü pro?l "Dreiangel" e pro la ruina dal "Schloss Rotund". Da là maina la senda be planiv fin pro la "Lovareihütte" e lura sül "Schleiser Trai" sur il "Polsterhof". Inavant maina la via dasperavia a la resgia da la Clostra Mariamunt per rivar a la fin pro la clostra svess. In quist cas ans fermaina però finigià a Schleis, inua chi vain festagiada la festa sül bain Engelhof
Da chaminar: In tuot sun quai 17 kilometers e bod 400 meters differenza d?otezza, da chaminar esa ruduond 6 uras.
Equipamaint: bunas s-charpas, büschmainta per minch?ora, marenda our da la buscha ed üna buna cundiziun generala.
Senda Clastras ? da San Jon Müstair a Mariamunt
24 tablas ans accumpognan cun far quist viadi, i sun tablas cun purtrets da Peter Schreiner chi ans muossan chi da eir oters muonds ed otra glieud cun otra relaziun cul temp ? e quai daja eir amo in nos temp.
in quist cas ans pigliaina il temp e contemplain:
ils ritems da la natüra,
ils fats da l?istorgia da quista regiun,
nus schlargiain nossa vista sün temps e glieud in pelegrinadi,
sün pelegrins sco nus chi viagiain da clostra a clostra,
cun ün?otra relaziun pel temp e cun purtrets dad anguels.
La senda Clastras collia sur cunfin e maina da clostra a clostra, ma eir da regiun a regiun, da la Val Müstair our i?l Vnuost colliats da la geografia e da l?istorgia cumünaivla, ma eir separats d?ün cunfin eir confessiunal e linguistic. Eir las duos clostras collian ed i para cha la cuntrada cha nus chaminain tras voul eir colliar. La cuntrada ans separa però eir da la civilisaziun ed and dà la pussibiltà da serrar giò e reflectar. La senda pretenda però eir il respet da quai chi?d es capità i?l passà, da la cuntrada chi ans circundescha e dals temas spirituals chi ans collian cullas clostras.
La cuntrada da cultura e listess sulvadia chi accumpogna al viandant es ün dret cuntrast culla vista chi?s ha davent da la senda vers ils cumüns, ma eir invers monumaints istorics sco il chastè Fürstenburg o la baselgia San Benedeg o vers la pradaria e la cuntrada da cultura cultivada daspö millis dad ons. Bella es eir la vista süllas muntognas, sajan quai las dolomitas svizras, la gruppa dal Ortler o lura las alsps dal Ötztal.
Ün inscunter special daja eir cun singuls bös-chs, exemplars chi han tgnü dür cunter ora e temp e chi as preschaintan hoz markantamaing sper la senda e restan sgüra in memoria.
lündeschdi, als 26 da lügl, cun Peter Schreiner, Weilheim (D)
