Venderdi, ils 30 da lügl ? spassegiada da Danuder sur Plamort
Inscunter: A las 10.00 a la staziun da Schluderns
Spassegiada: La spassegiada ans mains tras Schluderns, speravia a la ?Churburg? ed als bains sur cumün fin sü pro?l ?Gschneirer Waalweg?. Davo quel giain nus lura in direcziun da Matsch, e tuornain lura giò sül ?Berkwaal? chi ans maina inavo pro la ?Churburg? e Schluderns, ingio cha süssom cumün es la festa sül bain.
Da chaminar: ruduond 3 uras, 400 meters differenza d?otezza.
Equipamaint: bunas s-charpas, büschmainta per minch?ora, marenda our da la buscha ed üna buna cundiziun generala.
Köbi Gantenbein
Es nat als 25 favrer dal 1956 sco figl dün ?feroviari? a Samedan. Però bainbod ha la famiglia fat müdada a Malans, ingio ch?el es creschü sü. Uossa viva el a Turich ed a Fläsch. El ha imprais Journalist pro la Bündner Zeitung ed ha stübgià sociologia a Turich. Seis stüdi ha el serrà giò cun üna lavur sur da la grafica aint il turissem in Grischun. Pratcha illa lavur cul turissem ha el sco Grischun natüralmaing eir, nempe sco giardiner, caddy da golf, magister da skis, camerier da chars da viafier cun ustaria e guidabogn.
Davo seis stüdi ha Köbi Gantenbein lavurà sco scienzà pro?l Fondo Naziunal Svizzer e quai vi dals temas da la planisaziun locala e sociologia culturala. Sco student ed eir davo sco scienzà ha el adüna darcheu lavurà eir sco reporter liber dal Radio DRS.
Daspö il 1988 es el vi dal fabrichar sü insembel cun Benedikt Loderer il magazin per architectura e design, Hochparterre. Intant fan els quai cun 15 collavuraturas e collavuratuors ed eir üna giarsuna. La funcziun da Köbi Gantenbein es quella dal editur e dal schefredactur.
Sper l?ediziun da quista gazetta, edischa el adüna darcheu eir publicaziuns chi han dachefar cul fabrichar ed il design, surtuot eir sur dal territori grischun. La lavur pro?l Hochparterre ha portà früt e racoglià premis, per exaimpel la la medagla da la liunessa, ün premi da la cita da Turich.
Köbi Gantenbein es eir commember da la protecziun da la patria grischuna, president da la fundaziun per artisanadi grischun e commember da la Pro Natura e da l?Uniun SWB-Grischun. El scriva eir regularmaing columnas per la gazetta Südostschweiz.
El legia: NZZ, Woz, Weltwoche, PS, Zeit, Bezirksamtsblatt, Prättigauer Zeitung e Südostschweiz sco eir la concurenza pro las gazettas d?arrchitectura e design, sco Tec 21, Werk, Bauwelt ed Arch+. Però amo plü suvent legia el cudeschs da litteratura. In seis temp liber as dedichescha el però suvent eir a sia duonna Luci, a las muntognas, ingio ch?el va cul velo o a chaminar, a la musica culla clarinetta ed al mangiar e cuschinar.
venderdi, als 30 da lügl - Spassegiada cun Köbi Gantenbein
