Annunzchas
Che spetta al partecipant?
Daspö bod 30 ons sun ils Tanzgeigers buns da manar movimaint aint ils cours, ma eir ain illas chommas da lur public.
Els sun da chattar sün palcs da sot tradiziunals, ma eir in salas da concert internaziunalas, tant sco in stüvas ingiò chi sunan per ün ravuogl plü pitschen.
Ils Tanzgeigers stan sainza cumpromiss pro lur ragischs musicalas da la musica populara austriaca cun sias influenzas dals pajais vaschins.
Cuntschaints sun els eir per üna ferma disciplina illa melodia, intant cha?ls instumaints accesoris s?adattan libramaing a quella. Uschè daja ün masdügl fich special tanter arrandschamaint e libertà.
Invidats a quist lavuratori sun in quel sen surtuot musicistAs e gruppas da musica chi han bunas cugnuschentschas da lur insturmaint ed eir üna brava experienza da sunar, ma chi vöglian provar ad ir novas vias da maniera cha las vusch auxiliaras pon gnir inventadas cun sunar, scha la melodia principala es datta e sgüra. Bainvgnüts in quist lavuratori sun dimena tuot quels chi han vöglia da dar vita a la musica. Quist on vegnan ils Tanzgeiger sco manaders dal lavuratori rinfozats da las musicistas ed ün musicist da la gruppa "Aufstrich" e da duos giasts, nempe Franziska Eimer e Martin Mallaun!
Referents http://www.tanzgeiger.at
- Rudolf Pietsch
violina
- Walter Burian
violina
- Hannes Martschin
cuntrabass e jodel
- Marie Stickler
armonica a poms steira e divers oters instrumaints
Referents http://www.aufstrich.at
- Julia Lacherstorfer
violina
- Irene Froschauer
bratscha
- Horst Lackinger
saxofon, clarinetta
Referents (giasts):
- Franziska Eimer
arpa
- Martin Mallaun
citra http://www.mallaun.com
Franziska Eimer
Franziska Eimer, es nada dal 1980 a Starberg. Ella ha imprais a sunar l?arpa da Christoph Well, Franz Eimer e Silvia Savary. Preschantada s?ha la musicista fingià in püsas fuoraziuns ed eir suleta, tanter oter culs Ickinger Harfensänger, cun Peter Clemente, culs Sportfreunden Stiller (MTV Unplugged), culs Münchner Philharmoniker, culs Well Buam, culs Kofelgschroa, culs Tanzgeigers ed ils Zwirbeldirn. E quai in ustarias, baselgias, sün palcs, our il liber e dapertuot pell?austrai e la germaina intuorn.
Ella organisescha eir occurenzas da musica e cultura e da tuottas sorts concerts surtuot in Bavaria.
Martin Mallaun
Martin Mallaun es nat dal 1975 a Kitzbühel/Tirol ed ha stübgià culla cirta al conservatori Tirolais pro Harald Oberlechner. Daspera ha el stübgià eir Botanica a l?Università da Puntina. Dürant il stüdi ha el fingià cumanzà ad instruir e dar lavuratoris cun instrumaint istorics e davo il stüdi ha el amo aprofondi seis savair sur da quels a Vienna. Insembel cun seis fradgliuns ha el gnü la prüma aigna fuormaziun da musica populara. Però el as partecipescha adüna inavant ad ün o a plüssas fuormaziuns similas. Dapera es el landervia da stübgiar melodias veglias per seis instumaint istoric, ma eir da crear nouvas chi as basan süllas ragischs dattas. E s?ha però specialisà eir sün musica e clings dad oters intrumaints istorics sco per ecaimpel la lauta. Cun plüs instumaints ha el fingià sunà e suna in plüssas fuormaziuns in tuot l?Europa.
Dal 2004 ha Martin Mallaun guadagnà il prüm premi da l?unica councurrenza internaziunala da citra, l?uschedit Volkmann-Preis (a München). Daspö il 2008 as rechatta el illa giuria per quel premi. Per ün solo-debut cul nom ?zwischen steinen? ha el guadagnà dal 2005 il premi Pasticcio dal Radio Ö1.
Actualmaing lavura Martin Mallaun sco musicist liber e magister da musica pro?l Tiroler Musikschulwerk. Daspö il 2001 as partecipescha el sper quai eir amo al proget da perscrutaziun dal clima GLORIA in Austria (www.gloria.ac.at).
Info:
illa scoula da commerzi a Damal/Mals
cumanzamaint a las 10.00. Quai vala pel prüm di, davo vegna lavurà ses uras al di, ma ils uraris precis vegnan fats giò culs partecipants.
Cuosts 240,00 ? ? 400 SF.
Students pajan 200,00 ?, 330 SF, uffants e giuvenils fin18 ons pajan 60,00 ?, 100 SF.
Agüd per chattar allogi pudess spordscher il Tourismusverein Mals, Tel. +39 0473 831190 o il büro da festival.
Tuot ils partecipants a lavuratoris pon ir gratuitamaint als concerts dal festival.
Ün avis per baps, mammas ed oters chi stessan eir amo perchürar uffants: i dà a listess temp eir lavuratoris per uffants e giuvenils!