Dumengia, ils 25 da lügl ? spassegiada da cultura cun Chasper Pult tras las gallarias da la Val Uina
Inscunter: A las 08.00 davant il Restorant Val d?Uina a Sur En-Sent
Spassegiada: La spassegiada maina davo la senda tras la Val Uina fin aint pro l?Alp Sursass ed inavo. Il nom ?Sursass? ans disch cha quell?alp es sur il grip e cun ir tras la val as vezza lura eir cha?ls umans han chavà our dal grip üna via per til traversar.
Da chaminar: Amunt, da Sur En fin sün Alp Sursass: ca. 3,5 uras; per tuornar aval vaja ca. 2,5 uras. (La differenza d?otezza tanter Sur-En e l?Alp Sursass importa 1'031 meters)
Equipamaint: bunas s-charpas, büschmainta per minch?ora, marenda our da la buscha ed üna buna cundiziun generala.
Attenziun: per quista spassegiada nu's das-cha avair sturnizi!
Val Uina ? 100 ons senda da Quar
La Val d?Uina es üna da las intressantas vals lateralas da l?Engiadina. Aintasom la val es la via da grip chi maina cun gallarias tras la chavorgia. Quista senda chi vain nomnada eir ?senda da Quar? accumplischa quist on seis 100avel on d?existenza. Quist giubileum dà andit da far quista spassegiada culturala chi maina da Sur En da Sent fin aint in Sursass ed inavo. Chasper Pult oriund da Sent darà tschögns sur da l?istorgia da la val, sur da seis abitants , ma quintarà eir da tuottas sorts aspets cuntschaints e forsa eir da quels incuntschaints da quista val.
Chasper Pult
L?Engiadinais Chasper Pult es nat dal 1949 sco descendent d?üna veglia famiglia da Sent. El ha fat seis stüdis da linguistica e romanistica a las universitats da Paris e Turich. El ha instrui al Seminari da magisters a Cuoira e ha dat cuors a las universitats da Genevra, Friburg e Turich. Sias activitads illa cultura e la politica culturala sun stattas pro la Fundaziun Svizra per Cultura Pro Helvetia, la Lia Rumantscha (president dal 1991 fin 1996) e blers gremis culturals. Dal 1997 fin al 2001 es el stat directur dal Centro Culturale Svizzero a Milan. Dürant quella perioda ha el chürà bleras exposiziuns, per exaimpel «I Giacometti ? La valle, il mondo» pro la Fundaziun Mazzotta. Actualmaing es el romanist a la Scoula Chantunala a Cuoira ed es manader da divers progets culturals.
Dumengia, ils 25 da lügl - cun Chasper Pult in Val d'Uina
