HABEDIERE ?
? voul dir tant co "eu n'ha l'onur" ed es ün möd da dir austriac per situaziuns ingio chi nu's voul dir ni allegra e neir adieu, d'impersè be esser manieraivel. Quai es ün pa eir il motto per l'ultim concert dal XONG chi darà insomma.
Nus vain invidà a musicants ed artists chi han fat part dürant ils 11 ons passats al XONG, e vain dumandà ad els da tour part eir a quist uschedit "SchwanenXONG" chi dess oramai esser l'ediziun da cumgià. Blers d'els s'han declerats pronts da gnir e quai sainza gascha, per cha cun quist'ultima ediziun possan eir amo eleminar ün pa dal s-chaft chi ha dat dürant quists ons sül quint. Uschè es il program da quist'ultima saira dedichà ad artists chi ans fan a nus e fan ad els amo ün ragal da cumgià e chi dan uschè l'onur a l'idea superar cunfins.
L'ultima vouta cha'l palc dal XONG es avert, es el avert per tuot quellas forzas chi til han pussibiltà. Cul "SchwanenXONG" as po uschè metter la peidra da chantun per quellas forzas chi s'ingaschan in avegnir per la collavuraziun culturala sur cunfin, per la quala XONG ha preparà la via.
festa da cumgià
