Trouveur Valdoten

Musica tradiziunala da las Alps oxidentalas
Dapö ils ons otanta sun ils genituors our da quista gruppaziun da famiglia landervia da perscruttar e provar a chattar musica veglia e tradiziunala da la Val d?Aosta e seis cuntuorns. Perque as cloman els eir "Trouveur Valdotèn", sch?els sunan lura quella musica insembel cun lur duos figls. Els sunan sots e chanzuns in lur lingua da la Val d?Aosta cun sias grondas influenzas francesas. Tuot quai fan els eir culs instrumaints tradiziunals chi gnivan dovrats eir fingià da plü bod, sco l?orgel da man diatonic, la gïa, la flöta a travers o il cornamusa.
Cuntschaint es quista gruppa da famiglia grond toc sur ils cunfins da la val d?Aosta oura. Quai causa ils concerts in Savoia, in Svizra, i?l Piemont e la Lombardia o in Liguria. Natüralmaing han ils "Trouveur Valdotèn" gnü eir fingià diversas preschantaziuns sur las chadainas da televisiun e radio da la RAI ed otras. Quai surtuot eir causa ch?els as preschaintan adüna darcheu a festivals da musica in tuott?Europa e causa chi han dat oura fingià divers portatuns.
Ils musizists dals Trouveur Valdotèn sun ils genituors: Liliana Bertolo e Alessandro Boniface culs duos figlis Rémy Boniface e Vincent Boniface. Pro partas preschantaziuns as laschan els eir güdar e cumplettar cun oters musizists cuntschaints da lur regiun.

in ustarias e süllas festas süls bains eui.

loading
Titel
Text