Aluna Quartet
I tils dà amo ? ils lös, ingio chi?s po simplamaing as trar inavo per as recrear ed as regenerar. Quels differents lös nun as sumaglian brichafat ün a l?oter però ils motivs per as retrar in quels lös sun suvent sumgliaints. Eir la gruppa ?Aluna Quartet? ha alch cumünaivel cun quels lös, nempe mumaints vivüts cun intensità chi nu?s sa bod na co descriver.
I nun es da?s dar da buonder cha ün o tschel toc chi vain sunà da quista gruppa, s?ha eir fingià dudi da qualche vart. Suvent es quai stat aint il Radio e suvent esa stat ün ter temp inavo. La tscherna dals tocs da quista gruppa ha nempe ün strett connex cun quella magia cha melodias han da restar pichadas in ün lö. I dà blers uschedits ?schlagers? chi vegnan e van ed eir illas emischiuns chi vegnan per exaimpel aint illa televisiun ad doda bler da quai chi davo mai plü nu?s vain ad uraglia. Pro bleras melodias s?algorda chi sun üna jada stattas qua, ma cura ed inua s?ha invlidà. Ils commembers dal Aluna Quartet nu san da dir perchè, ma els han tuots melodias chi sun restadas e ch?els han tut sü in lur repertuars. I sun melodias da fich different gener e da differenta taimpra, ma alch han ellas cumünaivelmaing i sun restadas in memoria. Saja quai quel cuntschaint canon da Beethoven, o la chanzun d?amur ?Marinella? chi?s vaiva dudi d?uffant o per exaimpel la chanzun ?Carbonara? da ?Spliff??.quella vaiva eir alch chi?d ha influenzà a blers.
Perquai esa eir greiv als commembers dal Aluna Quartet da declerar chi musica chi fan. L?unic pled chi po declerar quai in ün tschet senn es il pled inglais ?zapping?. Quel pled vain dovrà per verer televisiun in müdond tras oura program e quel pled po gnir dovrà eir pel müdamaint d?ün toc musical a l?oter pro quista gruppa.
Tuot ün?otra resposta daja, schi và pella cumposiziun instrumentala da la gruppa. L??Aluna Quartet? suna cun üna bratscha, duos guitarras ed ün contrabass ? lapro vegnan amo quater vuschs chi nu chantan invidas. Schi?s guarda uschè l?intera istorgia, as vezza chi?d es listess vaira pretenziuns da tour sü tschertas melodias e tillas dar inavant cun quists instrumaints. Però güsta quella sfida fa eir oura forsa il stil tuot special da quista gruppa.
Il quartet, quai sun ün chi?d es adüsà da pisserar eir be sulet per trategnimaint, ün chi vain da la musica classica ed improvisescha gugent, ün guitarrist da jazz chi les sunar quai ch?el voul ed il contrabass chi tegna tuot insembel. Il quartet quai sun Umberto Carrescia, Zeno Braitenberg, Hartwig Mumelter e Gregor Marini.
