Prelecziun d?ün roman criminal cha Alfred Komarek ha scrit aposta per la fin dal XONG. Sia prelecziun vain accumpagnada cun musica.
Il roman
Simon Polt es ün inspectur da gendarmeria chi ha decis da rafüdar plü bod a lavurar e da giodair ün pa la vita. La decisiun ha però müdà bler in sia vita. Davo cha la vita da manster es a fin, vezza el eir tuot oter las perspectivas da la relaziun cun sia amia ch?el ha insè daspö blers ons e chi ha nom Karin Walter.
Culs blers pulizsts chi han uossa surtut l?incumbenza da pisserar per uorden e quietezza aint ils cumüns dal Wiesbachtal, ch?el survagliaiva plü bod, nun ha Simon Polt ingün contact. Be cun Norbert Sailer chüra el üna veglia amicizia. Quel es eir amo ün hom dal uorden tenor la scoula veglia e?s confà cun el.
Cur chi vain chattada üna bara d?ün hom tuottafat ester, vain eir la vita quietta da Simon Polt dandettamaing darcheu plü turbulenta. Ingün nu voul avair cugnuoschü il mort, e listess para cha divers savessan bainquant daplü, co quai chi vöglian quintar a la pulizia.....
Alfred Komarek
Nat dal 1945 a Bad Aussee.
El ha cumanzà fingià da student a scriver. Quella vouta causa ch?el dovraiva raps e quai surtuot glossas e reportaschas per gazettas. Bainbod sun gnüts pro eir texts pel radio. Quai deiran fingià ils ons 60 e 70, cur cha Komarek ha cumanzà a trar a nüz las pussibiltats cha?l medium, quella vouta amo nouv, spordschaiva. Bainbod ha?l uschè chattà seis duns ed ha cumanzà a scriver per diversas chadainas da radio gös auditivs, istorigias da preleger, ma eir oters texts chi vegnan dovrats per far radio.
Alfred Komarek es però eir autur da divers cudeschs chi han inrichi la cultura e la litteratura austriaca ed europea. Plü inavant s?ha el eir fat ün nom sco essayist e sco specialist per quintar istorgias.
Da gnir chaschuottà in ün schema s?ha Komarek adüna savü da schmütschir. Quai vala eir per sias publicaziuns las plü nouvas. Seis prüm roman criminal "Polt muß weinen" es gnü onurà cul "Glauser" sco megler crimi dal 1998. Ils quatter romans dal gendarm Polt sun intant gnüts dovrats dal ORF e dad ARTE per far films da televisiun. Insembel cun Julian Pölsler ha uschè Alfred Komarek survgni dal 2002 eir amo ün "Romy" pel meglder cudesch da scenari.
"Die Villen der Frau Hürsch", "Die Schattenuhr", "Narrenwinter" e "Doppelblick" sun romans d?üna tetralogia dal Salzkammergut.
Alfred Komarek viva hoz sco scriptur liber a Vienna, a Bad Aussee ed i?l Niederösterreich.
Erich Fischer
Il musizist svizzer es nat dal 1955. Sias specialitats sun la percursiun ed il vibrafon e sia amur sun ils contrasts ed il müdamaint. El suna surtuot ?musica populara nouva? cul ?Trio Räss? ed in quella fuormaziun ha el eir surtut il part da jodlar qua o là.
Per seis ?Erich Fischer Quartett? ha el eir cumponü, surtuot musica illa direcziun dal jazz.
Aint il ?Duo Vibrolino? vain cumbinà il vibrafon cun musica e cling da la violina.
Sia occupaziun principala es quella da magister da percursiun illa academia da musica da la cità da Basilea.
Aint illa veglia fortezza sper Damal
