Annunzchas
Che spetta al partecipant?
Musicists dvaintan musicants.
Tuot chi chi sa (tant inavant) ir intuorn bain sun seis instrumaint, ma vess gugent da renunzchar plan a plan süllas notas es qua precis al dret lö.
Cuntgnü:
Imprender a tour sü melodias e sunar lapro la seguonda vusch, verer ingio cha?l viadi maina sunond insembel... e sunar inavant cun nouv schlantsch.
Imprender a taglar ... als oters e pustüt a mai svess.
Eir l?adöver da la vusch dal musicant nu gnarà a la cuorta!
Per chi es il lavuratori pensà?
Commembers da fuormaziuns existentas, commembers da societats da musica, singuls musicants, magistras e magisters da musica ed oters chi lessan imprender a sunar sainza notas.
Partecipants: max. 40, min. 20
Premissas:
Eir principiants in chosa ?sunar sainza notas? sun bainvgnüts, ma eir da quels chi vöglian imprender alch supraplü, o chi dovran amo ün pa curaschi... o perfin da quels cha insè manca il curaschi.
Però savair sunar seis instrumaint stuvess minchün!
Referents:
Commembers dals Fränzlis da Tschlin
...e schi fa dabsögn eir amo oters.
Info:
Illa scoula da Tschlin
Cuosts 240,00 ? ? 400 SF.
Students pajan 200,00 ?, 330 SF, uffants e giuvenils fin18 ons pajan 60,00 ?, 100 SF.
Agüd per chattar allogi pudess spordschr Tschlin Turissem, Tel. +41 81 8663434 o il büro da festival.
Tuot ils partecipants a lavuratoris pon ir gratuitamaint als concerts dal festival.
Ün avis per baps, mammas ed oters chi stessan eir amo perchürar uffants: i dà a listess temp eir lavuratoris per uffants e giuvenils!
Descripziun dals Fränzlis svess:
"XONG"? Uossa bain! "Gesang", chant!
Bain cler san ils Fränzlis eir chantar, e dürant il lavuratori a Tschlin vegna natüralmaing eir chantà. L'accent però, quel vain miss sün far musica culs instrumaints tipics in stil Fränzli.
Invidats a quist lavuratori sun musicistas e musicists chi han plaschair da sunar insembel cun oters. Nus sunain cun agüd da notas, però eir be davo l'udida, quai chi s'inclegia bod da sai per musicants da musica populara (da seis temp). Minchüna e minchün dess pudair lavurar in seis möd individual, tant vi da sias fermezzas sco vi da deblezzas. L'important dess però esser e restar il gust e'l plaschair da far musica.
Premissa per as partecipar al cuors sun bunas cugnuschentschas da basa vi da l'agen instrumaint. Pensà es il lavuratori surtuot per instrumaints ad archet, clarinetta e cornet/trumbetta, id es però eir pussibel dad integrar oters instrumaints in nos cuors.