Ils Fränzlis da Tschlin
"I vegnan ils Fränzlis!" ? il clom passaiva tras las giassas dals cumüns, e la giuventüna eingiadinaisa savaiva cha uossa daja üna bella sairada da festa cun musica e sot fin vers daman. Ils Fränzlis da quella vouta avant 100 ons toccaivan pro la dinastia da la famiglia Waser, üna famiglia chi d?eira rivada in Grischun ed Engiadina dürant la prüma mita dal 19-avel secul e derivaiva da la Svizra centrala. Cuntschainta es gnüda la famiglia musicala surtuot cul nom Franz, Franz-Anton, Franz-Xaver e Franz-Josef, il plü cuntschaint dals musicants, ün hom orb chi sunaiva sia gïa cun üna gronda virtuosità. Las istorgias sur dals Fränzlis sun restadas fin hoz e forsa cha üna o l?otra es amo gnüda imbellida, ma quai chi?s po dir sainza fal es cha?ls instrumaints ad archet giovaivan üna rolla importanta per lur musica. Pür plü tard sun quels gnüts s-chatschats illa musica engiadinaisa, dals orgels da man.
Cun quella tradiziun han ils ?Fränzlis da Tschlin? lura dal 1983 decis da cuntinuar. Il prüm sunaivan els be sporadicamaing ils tocs tradiziunals dals Fränzlis da plü bod e lura dal 1996 cur chi han dat oura cun "pariampampam" il prüm portatun s?ha quai müdà. Ils ?Fränzlis da Tschlin? gnivan adüna darcheu dumandats e dvantaivan vi e plü retscherchats, uschè cha culs ons han els dat blers concerts per tuot la Svizra intuorn ed eir a l?ester.
Ter svelt esa lura eir stat cler als Fränzlis nouvs, ch?els nu vöglian restar be pro?ls sots tradiziunals. Els han i?l decuors dal temp cumanzà a cumplettar quels cun agens tocs chi portan ün stil tuot individual. Las cumposiziuns nouvas tradischan d?üna vart alch da las influenzas dal jazz e la musica classica, mantegnan però da tschella vart adüna la taimpra da la musica populara dals Fränzlis. A quella musica cullas polcas e mazurcas, culs valsers e las marchas sun els adüna restats fidels. E sco fingià pro?ls Fränzlis d?üna vouta as chatta eir pro?ls Fränzlis da uossa elemaints ed influenzas da plüssas culturas, da l?Italia da Vienna, dals tschiainders e natüralmaing da la cultura rumantscha. Perquai farà lur musica eir plaschair tant al ami da la musica populara sco eir a l?ami da la musica classica.
Ils Fränzlis dad hoz sun: Duri Janett, cornet; Domenic Janett, clarinetta; Men Steiner, violina; Madlaina Janett, viola e Curdin Janett, contrabass.
